Shannon's erschti Ferie Tag 3

Sali mitenand

So da bini wieder. De Papi het huere alt us gseh. Chönnt das ächt vom Freibier cho, oder vo mier?? Er het zwar gseid, es seg ned so guet gsi, aber ebe... Sis usgseh!? Da ich eh scho wach gsi bin, bini grad mit em Papi go dusche. Denn hemmer üs ufs z'Morgebuffed gschtürzt. Uf die viertel ab 11i hemmer üs im Babyschwimme iitreid. So simmer zerscht gos Schwimmbad sueche. D'Familie Graf isch mit Bademantel bewaffnet in Lift iigschtige. Ab is 1.UG. Det het de Papi doch tatsächlich mit üs id Chuchi welle. Das Freibier isch ned gsund ;-) Mer hends denn doch na gfunde. Und mer sind die Einzige gsi. Es nets Fräulein het denn mir zeigt, was mer so im Wasser chan mache. Em Mami hets ned eso gfalle, Ihre isch s'Wasser bis zum Hals gschtande :-) Ich han vill Sache glernt, wo mer üsi Schwimmlehrerin in Zug na nie verzellt hed. Zum Bischbil hani glernt, dass mer tuet tauche, wemmer vom Rand ineschpringt :-) Mit em Papi hani denn na güebt, mit de Füess uf sinere Hand balanciere. Ah und ich bin sogar ganz alei mit 2 Schwimmflügeli uf em Rugge und uf em Buuch gschwumme!!! (O.k uf em Buch hani scho chli Wasser gschluckt. Das hani aber au grad wieder bislet ;-)) Dänn simmer wieder ah mis Breibüffet. Denn go schlafe und wieder go Znachtässe. Hüt bini so guet ufgleit gsi, dass s'Mami und de Papi sogar s'Dessert hend chöne im Spiissaall ässe :-) Denn ab go pfuuse. (En huere Lärm isch die Nacht gsi. Irgend en Prob für irgend en sch... uf de Schiipischte.)

Grüessli Shannon

Shannon's erschti Ferie Tag 2

Hoi zäme

Wie ich am Morge erfahre han, han ich gar ned guet gschlafe. Debii bini doch ned eso mängisch verwached ;-) S'Mami und de Papi hed aber rächt müed driiglueget. Uf jede Fall simmer uf und go zmorge ässe. Es hed es tolls Büffet gha. Mer sind wieder näb em Diego ghocked wie geschter Abig. Nach em Zmorge simmer ufs Zimmer. De Papi het glueget, wie mer i dem Hotelzimmer zu eme Internetahschluss chund. Er hed schnäll gmerkt, dass das öppis zuesätzlichs choschtet. Aber wemmer wett en Blog schriibe und echli Mails läse, denn mues mer halt defür bläche. Denn hemmer mal welle veruse goh. Bi de Reception, wo mer en Fällsack für de Schlitte oder de Chinderwage überchunt, hemmer wieder de Diego, sis Mami d'Nicole und de Papi de Andy troffe. Mer sind denn zäme go schpatziere. Vom Hotel isches durab ad Hauptschtrass gange. Dete unde dure und richtig Kirchdorf. Läck isch das en schiis Wäg gsi. Üs hets fascht us em Wage grüert. Uf dem Wäg hets eso feschtgfrornige Schnee gha, dass die billige Chinderwäge fascht ned dure cho sind. Zum Glück simmer beidi iigschlafe. Es het denn na en Zwüschehalt geh, well em Diego sim Wage es Rad abghheit isch. Mer sind dank dem „guete“ Wäg ned emal bis nach Kirchdorf cho, womer scho wieder hend müesse umchere. Am Umkehrpunkt simmer beid verwached. Mer sind froh gsi, dass mer uf de Langlaufloipe zrugg sind. Wieder im Hotel hets z'Mittag geh. Am Namitag simmer namal go spatziere. Mer hend en neue Wäg usprobiert. Churz vo de Vieri gaht da d'Sunne under. Läck, dass wird grad mega chalt. Zum Glück han ich immer en Fällsack. Am vieri simmer in es anders Hotel. Ich bruche um die Zyt ja mini Zwüschemalhzit. Mer sind im Hotel Furtherwirt gsi. Ich han nid nur Milch welle, sondern au echli Kafi. Drumm han ich mier am Papi sis Tassli gschnapped. Die Aktion isch ned so guet ahcho. Ich weiss ned werum? De Papi hed denn namal es Kafi bschtellt?! Vo dem Hotel bis hei, isch es denn schnäll gange. Wieder uf de Loipe, sind d'Eltere em Loipoefahrzüg devo gloffe. Es währ ned toll gsi, hette de üs iigholt :-) Tja, wieder im Hotel, und wieder hets Ässe geh. Aso für die Erwachsene. Denn is Bett.
So fies, de Papi hed na Männerabig, mit Freibier und TV gha.
Grüessli Shannon

Shannon's erschti Ferie Tag 1

Hoi zäme

Mier sind hüt sehr früeh ufgschtande, und hend au früeh welle abfahre.
Doch wie das mit de Erwachsne so isch, es duured immer so lang :-)
Wo es denn endlich losgange isch, het de Papi na müesse all sinni Elektrodinger im Auto installiere. Mer sind denn losgfahre. Über de Hirzel richtig Chur. Ich han gli gmerkt, dass das de glich Wäg isch wie mer vorgeschter scho uf Valbella gfahre sind. Drum han ich denn na e chli pfuused.
Bi de Autobahnverzwiigig Sargans hemmer en neui Schtrecki gno richtig Liechteschtei. Darum bini au wieder verwached. (Han ja nüt welle verpasse.) Langsam hani Hunger becho. Das isch aber eso iigrächned worde, drum hemmer denn in Feldkirch es Päuselii iigleid. Übrigens: Jetzt hani extra en ID la mache, und a de Gränze hed sie niemerd welle ahluege. Bin schon chli enttüscht :-)

In Feldkirch simmer usgschtige. Läck isch das chalt gsi. Drum simmer schnäll in es Reschti. Det hets denn es Breili für mich geh. Die Alte hend sich en Crepe gno. (Es hed nur Crepes geh) Sie hend sich amüsiert, wie de Kellner und de Choch gschtritte hend. De Choch währ fascht defo gloffe. Denn hetis doch ekei Crepes geh ;-). Wie immer hani denn nach em Ässe mini Windle gfüllt. Aber i dem Reschti hets e so es chlises WC gha, dass es dete ned gange isch mit windlewächsle.

Drum simmer na rasch in MC-Donalds. Zerscht is s'Mami go sondiere und es het wieder kei Wickeltisch gha. Also hends mer eifach zmits im MC-Doof d'Hose abegla und de Pneu gwächsled. Läck han ich mich gschämt ;-)

Denn wieder is chalte Auto und wiiter ische gange. Richtig Innsbruck.

Denn hets vili Tunnels gha richtig Arlbergpass. Das isch mer denn echli zu blöd worde und echli Hunger hani au no gha. Drumm hets na en Zwüschemalhzit währed em fahre geh. De rescht vo mim Breili. Das hani denn au schön uf mim Sitz verteilt.

Richtig Innsbruck hend im Radio immer vo Schtau gredt. Am Papi sis Navi hed aber nüt ahzeigt. Zum glück hets Navi rächt gha. Mer sind denn ah Innsbruck verbiibrättered (mit 100 kmh) Denn na rasch uf en Raschtstett ufs WC. Ich han au dörfe usschtige und im Lädeli alli go ahlächle.

Wiiter und gli ab de Autobahn. Oh und doch na en Schtau. All hed vo de Schiigebiet hei welle. Denn isches wieder besser worde, doch churz vor em Ziel, isch in St. Johann gar nüt meh gange. Anschienend en Umfall. Doch denn simmer churz vor de 5i ahcho.

Am 5i het grad en Huusfüehrig geh. Denn hani au grad de Diego (10 Mönet) und de Leonard (1 ½ Jahr) känne glernt. Denn hets au scho am 6i Znacht geh.

Wo ich denn min Schoppe han welle bini mit em Mami und em Papi ufs Zimmer gange. Da die naning ferti gsi sind, hend s'Dessert uf em Zimmer übercho.

Ich bin denn iigschlafe.

Grüessli Shannon

Sins - Mühlau

Tschou zäme !
Mer hend dänkt, dass mer mal de Vorschlag vo de Edith gönd go usprobiere!
Sie hed üs wiiter unde i dem Blogg en Kommentar dezue gschriibe.
Also han ich mier de Sunntig usgsuecht und und am morge am 8i de andere 2 de Marsch blase.
Ja guet, nach eme Marsch hets ned tönt, aber wach sind worde :-)
De Papi isch mit mier als erschts de Pneu (Windle) go wächsle und denn direkt id Chuchi
en Nespresso go schlürfe. Denn het er anschtatt mit mier gschpillt, de Fottoaparat gholt, und es Föteli zum Fenschter us gmacht. Das hets geh:









So simmer denn au los richtig Sins. Bim Zollhuus hemmer parkiert.
De Papi het d'Charte füre gno und hed öppis vo "es het ja uf beide Siite vo de Rüss en Wäg"
gseid. De Plan isch schnäll klar gsi. Uf de Sinser Siite nach Mühlau und uf de Hüneberger-
Siite zrugg. Hmm es isch ja scho nur uf den Zollhussiite en Wägwiiser gsi. Aber de Papi
hed nur uf d'Charte glueget.
So simmer über Brugg, dur d'Induschtrie vo Sins und denn ad Rüss.
S'Mami isch mit mier über s'Wasser gloffe. Ich chas sälber ned glaubt.
Das Wägli isch aber scho gli so schmal worde,
dass min Sportwage nümme dure hed möge.Tja so hemmer halt wieder umkehrt und sind namal 15min
retout dur d'Induschtrie wieder zur Zollbrugg.
So nach enere halbe Schtund simmer also immer na am
Ahfang gsi...
Mer sind denn uf de Zugersiite de Rüss duruf gloffe.
Eigentlich hemmer vorgha duruf und wieder durab zlaufe.

Aber.. es het sich na zoge. Ich bin natürli nach em erschte Naturschutzdingsbums iigschlafe.

Ich han ghört, dass d'Umgebig sehr schön gsi isch. Nach 2 Schtund simmer in Mühlau ahcho.

De Cheibe Bahnhof isch so ziemlich zoberscht am Hoger gsi. Es isch au langsam chüel worde.

Doch womer de Wägwiiser gseh hend, isch üs grad wieder warm worde:

Tja und denn simmer mit em Bähnli (SBB) wieder zrugg uf Sins, ist Auto

und hei. Ah nei, s'Mami und de Papi hend na es Desserli im Reschti gno.
Gruess Shannon

Zugerberg mit Bähnli :-)

Hoi zäme!
Hüt isch Samschtig, und das bedütet: Ich gange go schwimme :-)
Das Babyschwimme isch super. Usser das mit de Umkleidekabine het mer scho chli besser chönne löse. Nur mis Problem isch das ja ned, denn ich tuen gärn umeblüttli. Mini Eltere wennd das zwar ned, well ich denn au gärn tuen bisle :-)
Denn hemmer welle go Föteli mit mier mache, aber üsere Fotografin isch leider öppis dezwüsche cho. Ja was möched mer mit some ahbrochne Samschtig?? Mer gönd uf ed Zugiberg. Da mer scho fascht dobe sind (Stiftig Maihof) wemmer natürli s'Bähnli näh.
Wie chönnts au andersch si, simmer echli spaht dranne gsi. Wie isch scho ime frühnere Itrag gschribe han fahrt das Bähnli immer 26 und 56. Aso bi 20ab isch de Papi fengs im Parkplatz ahcho. Leider isch de volle gsi. Es sind wieder komischi Wort vom mim Chauffeur (öh oder wie mer de schriibt) cho. Schnäll wieder abe und in Wald hindere zum nächschte Parkplatz. Uf dem Wäg zum Wald hets ganz fiisi Schwelle iibaut. Ich bin mit mim Chindersitz fascht a de Dechi ahscho :-)
Det hets sogar na es Plätzli gha.
Hau ruck, de Wage us em Kofferum und dasmal mit mim Auto über die Schwelle.
Mer sind denn au na uf das Bähnli cho. Aber es isch nümme Punktlich gsi. ups....
Bim i und usschtige hend mini Eltere gmärkt wie unpraktisch doch Schtäge sind mit eme Chinderwage. Aber Chinderwäge i de Zugerbergbahn isch sicher en usnahm oder!?
(Es isch ja uf de Homepage au immer obe es Bildli womer gseht wies isch..)
Dobe ahcho het de Papi na müesse en Schwatz it em Werni duregeh, bevor mer hend chönne schtarte.
Denn vollgas hindere in Hindergeissbode. Churz vor em Ziel hani nümme möge und müsse en Schpruz Milch in Schacht abe schtelle.
Denn simmer uf Terrasse ghocked go sünnele









Es isch cheibe amüsant gsi im Reschti. Da beid vergässe hend uf Bank gah, hends immer schön zämezellt und denn namal öppis bschtellt. Das eso lang bis nüt meh ume gsi isch.
Denn simmer wieder retou gloffe. Bi de Station acho isch natürli genau 36 gsi. 20min warte?? Nui.
Denn gömmer hald z'Fuess de Berg durab. (Aso ich glaub das gaht scho under Bärg oder? Diego?)
Mier isch denn scho gli echli vill Bluet in Chopf gschtige. Aber min Wage hets in sich. Suber rasch d'Ruggelähne chli ufegschtellt! De Papi het denn auch immer echli fescht hinde druf drückt.
Mer sind so schnäll gsi, dass d'Chüe nümmer drus cho sind.
Zägg und scho simmer dune gsi.
Wieder bim Auto hemmer denn na gseh, dass es tatsächlich en Frau gsi isch, wo ires Auto Quer zu allne andere anegschtellt hed :-) (Ich wirde das sicher nie mache)
Grüessli Shannon

Zugerberg

Tschou zäme

Da bini wieder! Hüt isch Sunntig und ich han scho fascht gwüsst, dass mer wieder neumed higönd. Mer hend de Götti gfraged, öb er und d'Sandra wend mitcho.
Ich han glaub wieder mal zum falsche Zytpunkt Hunger gha. Uf jede Fall isch dem Papi wieder wie en verruckte richtig Zugerbergbahn gfahre. Doch uf de Chamerschtrass isch scho fertig gsi. E so en Schnarchnase isch vor üs hergfare. Am 26ab fahrt ämigs s'Zugerbergbähnli. Am 23ab het den de Papi em Thomas ahglütte das mer es nümme schaffed. Da am Sunntig nur immer um 26 und 56 es Bähnli fahrt, hed s'Mami und de Papi beschlosse, dass mer ufefahred. So hets na es paar Kürveli geh, a de alte Sternwarte verbi, a de St. Verena Kapelle und es paar Restaurants. (P.S. weiss öppert, was mit dere Sternwarte isch?)
Dobe ahcho simmer losgloffe in Richtig Hindergeissbode. Det simmer aber wiiter zu de Fiselstudehütte. Den isch de Papi und und Götti übermüetig worde und sind mit mier go Crosse in Wald. Es isch denn sowiit cho, dass ich han müesse usschtige und die zwee Herre hend de Chinderwage treit :-)

Wommer zum Wald usecho sind, simmer au scho gli am Buschechapeli verbii cho. Dete isch na en Ahlass gsi und mer hend de Papi vo de Sandra troffe. Vo dete us hemmer au scho üses Ziel gseh. S'Reschtaurant Pfaffebode.

Mer hend no fascht müesse pressiere, da de Pfaffebode usnahmswiis scho am 5i zumache hend welle. Ich han ja wieder einisch nüt dörfe am Tisch ässe. Die alte hend zum Teil Kaffi und Dessert zu sich gno und die andere hend Pommes und Wurscht gässe.

Ich bin denn mit em Mami na rasch uf es Bänkli näb em Reschti go ässe. Aso ich han vor luuter umeluege gar nüd welle ässe)

Wommer retour gloffe sind hets ahfah tröpfele. Aber zum Glück simmer schnäller als de Räge gsi. Bim Früebüel rächts abbiege und alles a de Krete na retour zur Zugerbergstation. Unterwägs hani na ufs WC welle. Aber für was hani denn Windle ah? Mer hents Fotografiert und sind wiiter.

Tja mer hend üs verabschiedet und s'Mami het gmerkt, dass ich Ihre d'Halschetti abzehrt han. D'Sandra und de Götti hend aber mis Mami so guet ahglueget, dass sie gmertkt hend, dass die Chetti sit em Pfaffebode nümme deteghanget isch. Also ab is Auto, abe uf Zug, übere uf Walchwil und wieder de Berg duruf zum Pfaffebode. Und tatsächlich het de Papi d'Chetti näb em Bänkli i de Wiese gfunde. Wieder is Auto, abe uf Walchwil und via Zug direkt hei.

Tja das währs wieder mal gsi, mit Tricks und Gägs

Tschou zäme

Shannon

Besichtigung vom neue Kantonsschpital

Es isch wieder einisch Sunntig und Usflugtag.
De Papi isch au endlich wieder vo de Prüefige us Basel retour.
Ja ich bin ja echli zfrüe da gsi, um im neuen Schpital in Baar uf t'Wält zcho,
drumm hemmer hüt welle go luege wies usgseht hetti.
Mer sind mit em Chinderwage gschtartet. Alles de alte Lorze nache.
Unterwägs het de Papi gmärkt, dass mer au hinter em Twerebold
direk zum Schpital chan laufe!
Im übrige han ich gmein, es heissi Zentralspital!? Aber jetzt isch doch
alles mit Kantonsspital ahgschribe.
Womer ahcho sind, hemmer feschtgschtellt, dass mer ned die einzige
mit dere Idee gsi sind. (Mer hed dänkt, es seget scho all geschter gsi.)
Also ahschtah. Natürlich isch de Papi wieder a dere Schlange higschtande
wos vill länger gange isch.
Zum Glück het mich de Papi treit, süsch hetti auna die doofe Plastilüberschue
müesse ahzieh.
Na und denn hemmer das "Supergraue" neue Schpital ahglueget.
90min hets duured. :-(
Denn womer dusse gsi sind hani gnueg gha.
Drumm hends mi schnäll wieder heigrolled.
Grüessli Shannon

De Papi in Basel go hole

Sali, da bini wieder!
Natürli hemmer üs vorgnoh, de Papi wieder in Basel go hole.
Aso eigentlich isches an Mami sini Idee gsi, doch ich bin denn
au mitgange:-)
Isch au guet gange, bis mer in Basel in Schtau cho sind. So hed de Papi nachli
törfe warte.
Denn echli a de früsche Luft en rundi s'Füdli schwänke, während de Papi
sin Bärg an Schuelbüecher is Auto gwürged hed.
Er hed na es paar Föteli vo de Prüefig gha:

(2-3 Persone sind mit em Papi a de Prüefige gsi ;-) )

Denn simmer losgfahre. Aber nei, doch ned grad direkt hei, sondern na id IKEA uf Pratelen.
Nach eme fascht endlose laufe dur d'IKEA hets na es paar Mini-Hotdogs geh.
Ich han natürli wieder nüt becho.
Das hani nach em Abfahre au sofort luut reklamiert. Das het natürlich wiedermal funktioniert,
und mer sind grad uf die nächscht Raschtstett.
Zerscht han ich en Rundi warmi Milch becho, und denn sind disi 2 na es Menü go näh.
Ja und so simmer denn am schpötere Abig wieder Dihei ahcho.
Grüessli Shannon

De Papi uf Basel bringe

Da bin wieder.
De Papi isch in letschter Zyt echli nervös!? Ich glaub er hed nochli nachholbedarf
mit lerne. Uf jede Fall gahts hüt uf Basel a die schriftliche Prüeffige.
Mich hets Autofahre wieder mal ahgschisse, drum han ich au scho
nach Rotchrüz ahfo lärme. Es het gli Wiirkig zeigt. Uf de nächschte Raschtschtett isch denn s'Mami zu mier hindere cho :-)
Jetzt wos Mami näbed mier gsi isch, hani guet chönne schlafe.
Woni verwached bin, simmer scho in Basel inere Tüfgarasch gsi.
De Papi hed wüescht gred, well er zerscht fasch ned zum Auto use cho isch,
da es echli ängi Parkplätz gsi sind, und denn hed er min Chinderwage
na müesse dur d'Ifahrt ufeschiebe, da es kei Lift gha hed :-)

Mer sind denn go Znachtässe i es Reschti.
Aso ich han zueglueget und den nach de Hälfti ahfo min Sänf dezuegeh.
Denn simmer uf es Bänkli vor em Circus Monti ghocked und ich han au
no Znacht übercho.
Langsam isch Zyt für d'Verabschidig cho. Mer sind is Hotel vom Papi
zrugg und wieder is Auto.
Ha, de Papi hed scho wieder wüescht gred.
Mich hends uf de Biifahrersitz montiert und nächhär heder gmerkt,
dass er au uf de Biifahrersiite müesst iischtige :-)
Er isch denn hinde ine und über all Sitz füregschtige.
Ich han denn luut päget bim losfahre, bin denn aber grad iigschlafe
und erscht wieder Dihei verwached.
Grüessli Shannon

Usflug uf zur St, Jost

Es isch wieder einisch Sunntig und ich glaub es git wieder en Usflug. So wie ich das mitbecho han, het de Papi bim schriibe vom letschte Blog iitrag en Charte mit Wäge vom Rate gfunde. Es git dezu au no en Homepage.

Denn simmer mal uf en Rate ufegfare. Das mal extra :-)
Dobe ahcho hemmer gseh, dass na Autokino isch.

Mer sind denn los de Hoger ufe. Es isch immer schteiler worde und ich
bin duregschüttlet worde. Hmm das hani mega gärn.

Nach 20min simmer scho im St. Jost ahcho.
Es Mineräleli und es Möschtli für die Alte und für mich en lauwarmi Milch ;-)

Da mer ned scho wieder retour hend welle, het de Papi gmeint, mer laufed na bis zum Ussichtspunkt wommer uf Rothenthurm abe gseht. Dete tüemer luege wie de Wäg wiiter usgseht.
Ja aso am Ahfang het de Wäg wiiter ja super usgseh. Schön gschnitzlet. Doch nach öppe 50 Meter sind denn die erschte Wurzle cho.
Ich bin glaubs mängisch überem Chinderwage gfloge :-)
Nach namal 100 Meter hani müesse zum Mami umschtige und de Papi het mit em Chinderwage eleige kämpft.
Zu de Wurzle isch denn auna de Schlamm dezue cho. D'Eltere hend öppis vo
frisch gwäschnem Auto und Schueabputze gred, bin aber ned drus cho!?
Ich han denn auch wieder i mis Wägeli törfe und ich han au scho gli de Waldrand gseh.
De Papi isch so fuul gsi, dass er grad namal en Abchürzig über d'Wiese gno hed.

Denn isches alles wieder duruf gange ufeme Waldsträssli. Ich bin denn au iigschlafe.

Bim Rate obe bini wieder verwached, well irgend eine en Helikopterrundflug bueched hed,
und grad gschtartet isch.
Ja den isch das mit de dräckige Schue und Wageredli wieder cho, und trotzdem sind beid is Auto iigschtige und ned heigloffe??

Grüessli Shannon

Usflug uf e Gottschalkebärg

Hallo zäme!
Ich han hüt dörfe en Usflug unternäh. So vill ich mitbecho han, hemmer mit em Auto uf e Zugerberg welle und dete in Hindergeissbode welle Laufe. De Papi het sich wieder einisch grauehaft ufgregt , weller het müesse hinder eme Lahme härfahre, dass er im Moosrank gradus gfahre isch anschtatt richtig Allewinde. Janu, denn gömmer halt uf e Rate. Isch au en Möglichkeit anschtatt umzchere :-) .

Dobe ahcho, simmer richtig Gottschalkebärg gloffe. Es het es ahgnähm Lüftli gha. Leider hend mini Eltere immer de Sunneschirm und auna Sunnesägel am mim Wage ufgschpannt gha.
Grad am ahfang hemmer en Walkerin überholt. Die het na meh gschnufet als de Papi. Uf halbem Wäg hemmer na gekonnt en Chinderwage mit Zwilling links la ligge.

Dobe ahcho hend mini beide Motore zerscht müesse Tanke. Au ich han echli Tee übercho.
Denn hends nümme welle ufschtah und hend na es Glace abegschtellt.







Endlich isches wiiter gange. Zume Ussichtspunkt. Super gsi für mich. Gseh doch nanig eso wiit!!
Es het dete na Fraue gha die hend det hinde abe glueget und de Zugersee gseh. De Papi und s'Mami hend sich en Schranz glached und hend wieder umkehrt.









Denn alles wieder retour zum Parkplatz Rate. Das hed auna duured.
Han die beide Schieber echli ahtribe in dem ich echli ahfah schreie han.







Die hend nächhär ned emal me traut heizfahre und hemmer scho uf em Parkplatz mini Milchbar parat gmacht.
So denn ab Hei und is Bett.

Grüessli Shannon

Die Geburt

Es isch sowiit.
Am Morge am 6i hemmer scho müesse im Schpital si. Es bitzeli spöter simmer denn au dete gsi. Irgend öpper het die schlau Idee gah, uf de Parkplätz am See unde z'parkiere!?
D'Patricia isch "Liecht" nervös gsi. Doch mier sind super betreut worde. Üsi Hebamme, d'Frau Hegglin, hed üs alles usfüerlich erklärt.
Ich han mich denn müesse mit em Dr. Paly go grüen ahlegge. Im OP sind alli so schön grüen gsi, dass ich üsi Hebamme fascht nümme erchänt han.
Denn isch alles relativ schnäll gange. "Ein kurzer Schnitt, ein langer Schrei, und schon
war Shannon da. :-)

Nächster Arzttermin

Heute ist es wieder mal so weit! Der nächste Termin beim Doc.
Es wird spannend, denn seit unserem letzten Besuch sind ja noch immer 5% Ungewissheit über das Geschlecht offen. Da Patricia ja bereits rosarote Kleidungsstücke gekauft hat, wäre es nicht so toll, wenn doch noch ein "Schnäbi" gewachsen wäre ;-)
Unsere Kleine ist irgendwie nicht auf so ein "Ultraschallfotoshooting" vorbereitet. Als erstes liegt sie für die Geburt falsch herum, was ja noch nicht weiter schlimm ist. Doch vor dem Gesicht sind da noch die Nabelschnur, die Hände und die Füsse. (Wird es eine Kunstturnerin geben?)
Bei der 3D Darstellung ist so halt das Gesicht nicht so schön dargestellt. Aber ein Ohr ist gut zu erkennen und Patricia sieht auch gleich Parallelen zu meinen Ohren!? Janu. Herr Paly hat probiert und probiert... Ach ja, es wir sahen dann doch noch, dass da noch kein "Schnäbi" gewachsen ist :-)
Dann noch die üblichen "Medikamente" fassen, Termin in 5 Wochen geben lassen und tschüss...
Ah nein, Herr Paly musste uns noch die Praxis aufschliessen, da sonst niemand mehr anwesend war.

Kinderwagen zum 2ten

Heute besuchten wir ein Geschäft für Kinder und Babyartikel das eventuell zu einer Fastfoodkette gehört :-)
Unser Ziel: kauf eines Kinderwagens oder eines "Maxicosi". Wobei ich der Meinung war, dass "Maxicosi" eine Bezeichnung für Autositze ist und nicht eine Marke ist.
Im Geschäft in Kriens hat es zum Glück nicht ganz so viele Kinderwagen wie in einem anderen Geschäft in Bad Ragaz.
Dennoch erwies sich die Mission nicht einfacher als beim letzen Anlauf. Wir wurden schon bald von einer sehr netten und hilfsbereiten Dame begrüsst und umhergeführt. Ich dachte, dass die Frage nach einem Wagen mit 3 oder 4 Rädern geklärt ist, dem war aber nicht so. Also nochmals. Diesmal wurde Patricia aufgefordert mit den Wagen etwas herumzulaufen. Eine gute Idee. Die Verkäuferin war in etwa gleich gross wie meine Maus. Dies war gut, da so nur Wagen gezeigt wurden, bei denen auch der "Schiebegriff" (gibts dieses Wort?) auch genug tief heruntergelassen werden kann.
Bald haben wir ein Modell gefunden. Nun sollten wir probieren ob der auch ins Auto passt. Schliesslich bin ich extra mit Patricia's Polo nach Kriens gefahren.
Mit dem Kinderwagen ins EG, über die Strasse zum Auto und..... passt nicht :-(
Also wieder nach oben. (den Kinderwagen natürlich im getragen, da sonst die Räder schmutzig werden). "Habt Ihr es auch versucht mit herunterklappen der Sitze?" wurden wir gefragt. Nein.... und nochmals herunter zum Auto.
Tatsächlich. Einen Teil der Rückbank herunterklappen oder ein Rad entfernen (am Kinderwagen) und des passt!
Also wieder nach oben. Gibt es aber nicht noch einen kleineren der ohne autoumbauten
passt? Ja vieleicht. Es gibt sie, die sind aber nicht so schön. Eine Zwickmühle.
Wir entscheiden uns, die Sache mit dem Kinderwagen nochmals zu überdenken.
Aber da wir schon mal in Kriens sind... Wir kaufen jetzt einen "Maxicosi". Schon bald
werden wir fündig. Die Verkäuferin nimmt ihn mit zur Kasse. Auf dem Weg zur Kasse kommen wir wieder an den *##** Kinderwagen vorbei. Da gibt doch noch was von "Chicco". Ja da gibt sogar ein Sonderangebot inkl. Autositz. Na bravo und was jetzt?
Fals wir uns doch für den "Chicco" entscheiden würden, müssten wir auch keinen "Maxicosi" mehr kaufen!? Schlussendlich verabschieden wir uns mit einem 10% Gutschein ohne etwas gekauft zu haben. Der Nachmittag war auch vorüber.
Marco

Wir brauchen einen Kinderwagen

Da wir ja schon mal im HW Baby-Center waren wussten wir das es dort eine grosse Auswahl an Kinderwagen gibt.
Da ich am Freitag noch mit der Firma ELO-Plan AG am Skitag in Davos war, traffen wir uns in Lanquart und fuhren gemeinsam nach Bad Ragaz.
Es folgte eine grosse Beratung und Aufklärung in Sachen mobiler Babyfortbewegung.
Da gibt es mal Wagen mit 3 oder 4 Räder. Drei Räder sind eher sportlich. Vier dafür stabiler? Bei vier Rädern besteht noch die Möglichkeit die Schieberichtung zu ändern. Nur für was? Der "Aufsatz" kann auch gedreht werden. Ahh, wenn man mit 4 Rädern im Wald unterwegs ist, müssen die grossen Räder vorne sein! Dann: die Räder können aus Vollgummi oder aus Luftreifen bestehen. ??? Unterschied?! Weiss keiner. Der Verkäufer meint: wenn Du gerne ab und zu mal den Schlauch flickst dann nimmst Du Luftreifen. Hää?? Nächste Frage: Harte oder weiche Tragetasche. Hmm vom Gewicht her eher ne weiche. Was noch? Ah, mit Bremsgriff am "Lenker" oder nur mit Fussfeststellbremse. Natürlich gibs auch Scheibenbremsen, die kosten ein bisschen extra. Oder möchten Sie einfach eine der folgenden Marken: Teutonia, Gesslein, Hartan, Graco, Emmaljunga, Chicco, Princesse, TFK, Baby Welt und Quinny??!!
Naja wir haben dann mal keinen Kinderwagen gekauft. Aber noch nen "Baby Björn", ein Stillkissen und noch ein paar Sachen. Vom Preis her hätte es auch ein Kinderwagen sein können.